Përmbytjet në vend, reagon Delegacioni i BE: Gati të mbështesim popullin shqiptar

Delegacioni i Bashkimit Evropian ka reaguar lidhur me situatën e vështirë që po kalon prej 2 ditësh vendi ynë për shkak të motit të keq.

Përmes një postimi në X, delegacioni i BE shpreh gatishmërinë për të mbështetur popullin shqiptar në përballimin e motit ekstrem, “përfshirë edhe përmes Mekanizmit të Mbrojtjes Civile të Unionit”.

“Delegacioni i Bashkimit Evropian po ndjek me shqetësim përmbytjet në të gjithë Shqipërinë. Drejtoria e Përgjithshme e BE-së për Mbrojtjen Civile Evropiane dhe Operacionet e Ndihmës Humanitare (DG ECHO) është në kontakt të ngushtë me autoritetet shqiptare dhe po ndan informacione dhe imazhe relevante nga sateliti Copernicus. Së bashku me Shtetet Anëtare, BE është e gatshme të mbështesë popullin shqiptar në përballimin e motit ekstrem, përfshirë edhe përmes Mekanizmit të Mbrojtjes Civile të Unionit”, thuhet në reagimin e BE në X.

The Delegation of the European Union is following with concern the floods across Albania.

The EU Directorate Generale for European Civil Protection and Humanitarian Aid Operations (DG ECHO) is in close contact with Albanian authorities and is sharing relevant information and… pic.twitter.com/97y6XtKyW4

— EU in Albania (@EUinAlbania) January 8, 2026