Incident në Los Angeles, kamioni futet mes protestuesve pro-kryengritjes në Iran

Një kamion u fut mes një turme protestuesish në Los Angeles të dielën pasdite, të mbledhur në mbështetje të kryengritjes antiqeveritare në Iran.

Dy persona nga të pranishmit pësuan lëndime të lehta. Pas incidentit, disa demonstrues ndoqën automjetin në lëvizje, duke u përpjekur të sulmonin shoferin.

Sipas hetimeve paraprake, autoritetet bëjnë me dije se ngjarja nuk ishte e motivuar politikisht, por erdhi si pasojë e një konflikti mes shoferit dhe turmës.