Zgjedhjet në landin Saksoni-Anhalt vënë në provë Gjermaninë përpara zgjedhjeve të shtatorit

Qytetaret në landin e Saksoni-Anhalt në Gjermani u drejtohen sot qendrave të votimit në provën e fundit të opinionit publik përpara zgjedhjeve kombëtare të shtatorit, që mund të shkaktojë një goditje për shpresat e konservatorit Armin Laschet për të pasuar Kancelaren Angela Merkel.

Sondazhet në këtë shtet tregojnë një epërsi të vogël për Demokristianët (CDU) të Laschet dhe Merkel, por Alternativa e ekstremit të djathtë për Gjermaninë (AfD) është  vetëm 1 pikë përqindje prapa në sondazhin përfundimtar.

Kryetari i CDU dhe Kryeministri i shtetit  të Saksonia-Anhalt gjatë hedhjes së votës u shpreh se ai kishte bërë gjithçka për të bindur njerëzit për nevojën e një qeverie të qëndrueshme dhe demokratike.

Zgjedhjet në këtë land në qendër të Gjermanisë janë të fundit përpara zgjedhjeve për Bundestagun në shtator.

Një fitore për AfD në Saksoni-Anhalt do të shënonte herën e parë që partia do të merrte më shumë vota në një zgjedhje shtetërore – dhe kjo do t’i jepte kësaj force një nxitje të madhe përpara zgjedhjeve federale.

Për CDU-në, mos fitimi do të ishte një katastrofë dhe do të çonte në një debat të brendshëm në lidhje me drejtimin e partisë.

LEXONI GJITHASHTU:

• Garë mes AFD-së dhe CDU-së në zgjedhjet që zhvillohen në Saksoni-Anhal të Gjermanisë