Gazetari Cani komenton rezultatin e zgjedhjeve në landin Saksoni-Anhalt në Gjermani

Bahri Cani, gazetar i Deutsche Welle komentoi në Euronews Albania rezultatin e zgjedhjeve në landin Saksoni-Anhalt, ku shumicën e votave e mori partia e CDU-së nën drejtimin e Reiner Haseloff.

Cani u shpreh se marrja e 37% të votave nga ana e CDU në këtë land është një rezultat që nuk e kishte pritur askush.

“Ajo që është me rëndësi për këtë land, është që partia radikale e djathtë AFD ka shënuar vetëm më pak se 21%, pra është një humbje e forcave radikale të djathta. Humbja më e madhe është partia e majtë, po ashtu edhe socialdemokratët kanë shënuar një humbje të thellë. Janë futur në parlament ekologjistët me 6%”, tregoi z. Cani.

“Këto zgjedhje luajnë një rol të rëndësishëm në aspektin psikologjik për zgjedhjet parlamentare që do të mbahen në 26 shtator”, shtoi ai më tej, duke theksuar se ndër gabimet më të mëdha të CDU-së në këtë land ishte mënyra e menaxhimit të pandemisë.

Sipas tij, CDU dhe simotra e saj SCU kanë pasur grindje shumë serioze, për shkak të kandidatit të ardhshëm të këtij unioni.

LEXONI GJITHASHTU:

CDU fiton në Saksonin-Anhalt, siguron 36% të votave, lë pas AFD-në e të Gjelbrit

CDU projektohet fituese e zgjedhjeve në landin e Saksoni-Anhalt në Gjermani