Bardhi: Kryetari i Kuvendit të mos vonojë thirrjen e Këshillit të Rregullores dhe Mandateve

Kreu i Grupit Parlamentar i Partisë Demokratike, Gazment Bardhi ka folur për mediat pas mbylljes së seancës në Kuvend. Bardhi ka bërë thirrje që kryetari i Kuvendit, Niko Peleshi të thërrasë sa më parë Këshillin e Rregullores dhe Mandateve lidhur me çështjen e Belinda Ballukut.

“Kuvendi i Shqipërisë nuk mund të jetë kurrësesi streha e të korruptuarve. Kuvendi do duhet t’i shërbeje interesit publik. Do duhet t’i shërbejë drejtesisë që kërkojnë shqiptarët.

Do duhet t’i shërbejë barazisë para ligjit. Për sa kohë mazhoranca ka vendosur të shndërroje këtë godinë në bunkerin e të korruptuarve deputetet e opozites nuk mund të pranojnë kurrsesi funksionimin normal të Kuvendit. Kjo ishte ajo që bëmë edhe sot.

Ne i bëjmë thirrje Kuvendit, mazhorancës, kryetarit të Kuvendit të mos vonojë thirrjen e Këshillit të Rregullores dhe Mandateve dhe të mos pengojë edhe më shumë drejtësinë”, tha ia.