Kaja Kallas: Evropa ka një sërë mjetesh për të mbrojtur interesat e saj

Shefja e diplomacisë së Bashkimit Evropian, Kaja Kallas, ka reaguar lidhur me zhvillimet e fundit që përfshijnë Arktikun, duke theksuar se Evropa është e bashkuar dhe e gatshme të mbrojë interesat e saj strategjike.

Ajo nënvizoi se Danimarka dhe Groenlanda nuk janë të vetme, ndërsa bëri të qartë se BE disponon instrumentet e nevojshme për të përballuar çdo presion ekonomik apo politik.

“Danimarka dhe Groenlanda nuk janë vetëm. Më vjen mirë që i shoh kolegët e mi. Siguria e Arktikut është një interes i përbashkët transatlantik, dhe një që mund ta diskutojmë me aleatët tanë amerikanë. Por kërcënimet me tarifa nuk janë mënyra për ta arritur këtë. Sovraniteti nuk është për tregti. Ne nuk kemi interes të nisim një luftë, por do të qëndrojmë në pozicionin tonë. Evropa ka një sërë mjetesh për të mbrojtur interesat e saj”, tha Kallas.