Protesta e “Mundësisë” para Gjykatës Kushtetuese, Shehaj: Po mbrojmë drejtësinë

Kreu i Partisë Mundësia, Agron Shehaj këtë të enjte së bashku me disa mbështetës po protestojnë para ambienteve të Gjykatës Kushtetuese ku pritet të nisë seanca lidhur me pezullimin e ministres, Belinda Balluku. Shehaj u shpreh se do të paraqesë 20 mijë firma të cilat i ka mbledhur nga qytetarët për të treguar se shqiptarët mbështesin drejtësinë dhe se pandëshkueshmëria duhet të marrë fund.

“Gjykata Kushtetuese u përdor nga Rama në rastin e Veliajt me një vendim skandaloz ku tha se një kryetar bashkie në burg me tre vendime gjykate që konfirmuan arrestimin e tij, sipas Gjykatës Kushtetuese duhet të qëndrojnë në detyrë.

Qëllimi i dorëzimit të firmave është t’i tregojmë opinion publik dhe ndërkombëtarëve që mbështesin drejtësinë se populli shqiptar është me drejtësinë. Nëse shikojmë se çfarë bën Rama nga hakërimi i email-eve, nga linçimi i prokurorëve duke i share e ofenduar, ai do të ndryshojë edhe ligjet për të kapur drejtësinë.

Ne do të tregojmë se qytetarët shqiptarë nuk rrijnë dhe ngrejnë zërin dhe duan një Shqipëri ku merr fund pa ndëshkueshmëria”, tha ai.