Kritikoi Evropën, Downing Street i përgjigjet Zelenskyt: Kemi ndërmarrë veprime vendimtare ndaj Ukrainës

Presidenti ukrainas, Volodymyr Zelenskyy të enjten gjatë fjalimit të tij në Forumin Ekonomik Botëror kritikoi vazhdimisht aleatët e tij evropianë, duke i akuzuar ata për mosveprim dhe zvarritje kur bëhej fjalë për mbrojtjen dhe sigurinë.

Ndërkohë këtë të premte qeveria britanike ka reaguar lidhur me deklaratat e Zelenskyyt. Një zëdhënës i Downing Street u shpreh se Anglia ka marrë veprime vendimtare ndaj Ukrainës. Ai ritheksoi se Anglia do të japë 1.3 miliardë paund për ndihma humanitare.

“Ndërsa afrohet përvjetori i 4-t i pushtimit, ne e kuptojmë dhe ndajmë zhgënjimin e Zelensky-t për vazhdimin e luftës barbare. Mbretëria e Bashkuar gjithmonë ka ndërmarrë veprime vendimtare ndaj Ukrainës, duke përfshirë udhëheqjen e Koalicionit të Vullnetit.

Është zotuar gjithashtu për 1.2 miliardë paund në mbështetje dypalëshe dhe humanitare. Ndërsa diplomacia vazhdon, ne qëndrojmë pranë Ukrainës për të siguruar mbrojtjen”, tha zëdhënësi.

Kur u pyet nëse kryeministri Keir Starmer mendon se Evropa duhet të bëjë më shumë, zëdhënësi shtoi se Evropa duhet të përparojë në mbrojte.

“Kryeministri është i qartë në një pikë më të gjerë: Evropa duhet të përparojë në mbrojtje dhe siguri. Protagonisti kryesor është Putini, i cili mund t’i japë fund luftës menjëherë”, tha ai.