Gazetari Artan Hoxha paraqitet në SPAK: Do dorëzoj audiopërgjimin origjinal për 21 janarin

Gazetari Artan Hoxha është paraqitur në hënën në Prokurorinë e Posaçme.

Në hyrje të SPAK, Hoxha tha për mediat se do dorëzojë diktofonin nga i cili janë regjistruar komunikimet e zinxhirit komandues të gardës gjatë demonstratës së 21 janarit.

Prej 15 korrikut 2024 dosja hetimore për vrasjen e 4 protestuesve me 21 janar 2011 është në duart e prokurorëve të SPAK.

Vendimi i Gjykatës së Strasburgut që e quajti 21 janarin krim shtetëror i hapi rrugë hetimeve nga SPAK, duke regjistruar procedimin penal me datë 15 korrik 2024, pas një vendimi të Gjykatës së Lartë, për 3 vepra penale “Vrasja në rrethana të tjera cilësuese”, e kryer në bashkëpunim, kundër dy ose më shumë personave dhe në mënyrë të rrezikshme për jetën e shumë personave, “Shpërdorim i detyrës”, e kryer në bashkëpunim dhe “Kryerja e veprimeve që pengojnë zbulimin e së vërtetës”, e kryer në bashkëpunim.