Ish-arbitri i Premier Ligës sulmon Guardiolën: Presion i papranueshëm ndaj arbitrave

Graham Scott, ish-arbitër i Premier Ligës, ka kritikuar ashpër Pep Guardiolën në një shkrim për The Telegraph, duke e akuzuar trajnerin e Manchester Cityt për ushtrim presioni të tepruar dhe të papërshtatshëm ndaj arbitrave, gjatë dhe pas ndeshjeve. Scott rrëfen një incident të pazakontë nga një ndeshje City–Brighton, kur, si gjyqtar i katërt, u përball me një gjest fizik të papritur nga Guardiola, të cilin e përshkruan si shqetësues.

Ai sulmon edhe sjelljen e fundit të teknikut katalanas, duke thënë se përballja me arbitrat në fund të ndeshjeve e zbeh figurën e tij, edhe në fitore. Scott hedh poshtë pretendimet e Guardiolës për padrejtësi në arbitrim, duke theksuar se ndërhyrjet e VAR-it kanë qenë kryesisht në favor të Manchester Cityt.