Linjat ajrore SHBA-Mbretëri e Bashkuar kërkojnë nga qeveritë respektive krijimin e një korridori udhëtimi

Linjat ajrore që ofrojnë shërbime të pasagjerëve midis Mbretërisë së Bashkuara dhe SHBA-së po bëjnë thirrje që të dy vendet të hapin një korridor udhëtimi.

Në një deklaratë të përbashkët, drejtorët e të gjashtë linjave ajrore që ofrojnë shërbime për pasagjerët nga Mbretësia e Bashkuar në SHBA, si dhe Aeroporti Heathrow argumentuan se rihapja e udhëtimeve transatlantike “do të jetë thelbësore për të ndezur rimëkëmbjen ekonomike”.

Shtetet e Bashkuara janë aktualisht në një kategori të Mbretërisë së Bashkuar së bashku me shumicën e vendeve anëtare të Bashkimit Evropian, ku udhëtarët nga vendet e kësaj kategorie duhet të paraqesin një test negativ COVID-19 para udhëtimit dhe karantinë për 10 ditë pas mbërritjes.

Uashingtoni ndërkohë kufizon hyrjen e çdo personi jo-rezident që ka qenë në Mbretërinë  Bashkuar dhe BE gjatë 14 ditëve të mëparshme, megjithëse zbatohen disa përjashtime të kufizuara.

Drejtorët e Përgjithshëm argumentuan se “me programet kryesore të vaksinimit në Mbretërinë e Bashkuar dhe SHBA, ekziston një mundësi e qartë për të hapur në mënyrë të sigurt udhëtimet midis këtyre dy vendeve që janë me rrezik të ulët”.

Kjo thirrje e tyre vjen pak ditë para takimit të Presidentit të SHBA Joe Biden dhe Kryeministrit Britanik Boris Johnson, të cilët do të takohen këtë javë në një samit të liderëve të G7.

Më shumë se tre të katërtat e të rriturve britanikë kanë marrë të paktën një dozë të vaksinave dhe 63.5% e njerëzve të moshës mbi 18-vjeç në SHBA janë gjithashtu të injektuar pjesërisht.

Drejtuesit e biznesit citojnë gjithashtu studime që tregojnë se vaksinimi po zvogëlon transmetimin dhe frenon përhapjen e varianteve.

LEXONI GJITHASHTU:

Moderna kërkon të përdorë vaksinën e saj kundër COVID në adoleshentët e Evropës

Britania e Madhe e frikësuar nga varianti delta, Spanja e hapur për të vaksinuarit