VIDEO/ Makina del nga rruga në aksin Mjedë-Spathar, përfundon në liqenin e Vaut të Dejës

Një aksident është regjistruar këtë të mërkurë në aksin rrugor Mjedë-Spathar në Vaun e Dejës. Policia bën me dije se ngjarja ka ndodhur rreth orës 16:10 ku një mjet ka dalë nga rruga dhe ka rënë në liqen.

Si pasojë e aksidentit janë plagosur 3 persona. Ata janë nxjerrë nga liqeni dhe kanë marrë ndihmë mjekësore në spital. Policia po kryen hetimet për zbardhjen e plotë të rrethanave të kësaj ngjarjeje.

“Vau i Dejës/Informacion paraprak. Rreth orës 16:10, në aksin rrugor “Mjedë-Spathar”, një automjet ka dalë nga rruga dhe ka rënë në liqenin e Vau të Dejës. 

Si pasojë janë dëmtuar 3 shtetas që ndodheshin në automjet  të cilët u nxorrën nga liqeni dhe ndodhen në spital, për mjekim. Grupi hetimor ka shkuar në vendngjarje dhe po punon për zbardhjen e rrethanave dhe shkakut të aksidentit”, njofton policia.