Të shtëna me armë zjarri pranë një aeroporti në Nigeri

Të shtëna me armë zjarri dhe shpërthime u dëgjuan herët të enjten pranë aeroportit ndërkombëtar të Niamey-t, kryeqytetit të Nigerit, përpara se situata të qetësohej brenda disa orësh, kanë bërë të ditur qytetarët.

Pamjet e filmuara nga qytetarët tregojnë drita në qiell, shpërthime të forta, flakë dhe makina të djegura në zonë. Aeroporti Ndërkombëtar Diori Hamani, ku ndodhet edhe një bazë e forcave ajrore, gjendet rreth 10 kilometra nga pallati presidencial.

Sipas banorëve të një lagjeje pranë aeroportit, të shtënat nisën pak pas mesnatës. Nigeria, e përballur shpesh me sulme xhihadiste, drejtohet prej më shumë se dy vitesh nga Abdourahamane Tiani, udhëheqësi i juntës ushtarake që rrëzoi presidentin civil të zgjedhur në vitin 2023.

Ende nuk dihet nëse ka viktima nga kjo ngjarje, ndërkohë hetimet vijojnë.