I dyshuar për sigurimin e kushteve të vrasje ndaj Durim Bamit, lihet në burg Jozi Kraja

Pas ekstradimit nga Zvicra, Jozi Kraja është paraqitur këtë të enjte para Gjykatës së Posaçme të Shkallës së Parë për Korrupsionin dhe Krimin e Organizuar (GJKKO), e cila ka vendosur vijimin e masës së sigurisë “arrest në burg”.

Kërkesa për marrjen në pyetje dhe verifikimin e kushteve të zbatimit të masës së sigurimit personal u paraqit nga Prokuroria e Posaçme kundër Korrupsionit dhe Krimit të Organizuar më 27 janar 2026, në zbatim të vendimit të mëparshëm të datës 15 maj 2024.

Trupi gjykues i kryesuar nga gjyqtari Erjon Çela, bazuar në dispozitat e Kodit të Procedurës Penale, vendosi vazhdimin e masës së sigurimit personal me karakter shtrëngues “arrest në burg” ndaj të pandehurit Jozi Kraja.

Sipas GJKKO-së, Kraja akuzohet për veprat penale:

“Sigurimi i kushteve dhe i mjeteve materiale për të kryer vrasje”, në dëm të shtetasve Durim Bami dhe Valter Bami, kryer në kuadër të grupit të strukturuar kriminal, si edhe për veprat penale “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Gjykata urdhëroi Policinë Gjyqësore që i pandehuri të dërgohet menjëherë në institucionin e paraburgimit, ku do të qëndrojë në dispozicion të organit procedues. Po ashtu, u urdhërua Prokuroria e Posaçme dhe Policia Gjyqësore për zbatimin e këtij vendimi.

Vendimi i GJKKO-së mund të ankimohet në Gjykatën e Posaçme