3 vende për Këshillin Mbikëqyrës të BSH, Kuvendi thërret 20 kandidatët të hënën

Këshilli Mbikëqyrës i Bankës së Shqipërisë ka 3 vende vakante, për të cilat kanë shprehur interesin 20 kandidatë.

Plotësimi i këtyre vendeve do të kalojë nga Kuvendi i cili ka pranuar aplikimet, ndërsa deputetët e komisionit të ekonomisë do të fillojnë seancat dëgjimore me kandidatët e interesuar të hënën në 2 shkurt.

Euronews Albania mëson se në garë janë tre anëtarët, të cilëve u ka përfunduar mandati, Luljeta Minxhozi, Violeta Staka dhe Artan Hoxhën.

Më tej interes ka shprehur, ish-zv/ministrja e Financave Erjona Bejleri, profesor Selami Xhepa, Frosela Filo Fatmira Kola, Ingrid Konomi, Merita Bejtja, Emis Çerava, Adela Karapici, Matilda Shehu, Arben Zibri, Eni Xheko, Pajtim Melani, Sajmir Murataj, Liljana Mamadhaj, Elton Korbi, Aleksander Çavo dhe ish-kryetarja e Gjykatës Kushtetuese, Holta Zaçaj.