Kundërshtohet vendimi i Kuvendit, gazetaret në protestë për moslejimin gjatë mbledhjeve të komisioneve

Vendimi i Byrosë së Kuvendit të enjten e shkuar për të ndaluar pjesëmarrjen e gazetarëve në mbledhjet e Komisioneve Parlamentare, ka shkaktuar reagimin e gazetarëve, të cilët kanë vendosur të zhvillojnë një protestë simbolike sot para godinës së seancave plenare.

Protesta do të zhvillohet prej orës 09:30, pak minuta para se të fillojë seanca plenare e planifikuar për sot dhe kërkesa është që të shfuqizohet vendimi dhe të lejohet prania e gazetarëve në mbledhjet e komisioneve parlamentare.

Ndërkohë sot në Kuvend do të votohet për çështjen e shkarkimit të presidentit Ilir Meta.

Por, kreu i shtetit e ka cilësuar Kuvendin që do të mblidhet për shkarkimin e tij “antikushtetues” dhe ka theksuar se do të jetë në krye të presidencës deri më 24 korrik të vitit të ardhshëm.

LEXONI GJITHASHTU:

Kuvendi voton sot për shkarkimin e presidentit Meta, mazhoranca e akuzon për 16 shkelje kushtetuese