Kore e Jugut, Firma e kriptomonedhave gabimisht u jep klientëve bitcoin me vlerë mbi 40 miliardë dollarë

Një bursë kriptomonedhash në Korenë e Jugut u dha aksidentalisht klientëve bitcoin me vlerë mbi 40 miliardë dollarë, duke i bërë ata për një kohë të shkurtër multimilionerë.

Platforma, Bithumb ishte planifikuar t’u jepte klientëve një shpërblim të vogël prej 2,000 won  por në vend të kësaj u dha atyre 2,000 bitcoin.

Bithumb, kërkoi falje për gabimin, duke shtuar se shpejt kishte kuptuar gabimin e saj dhe kishte rikuperuar pothuajse të gjitha bitcoin-et që mungonin. Kompania tha se kishte rikuperuar 99.7% të 620,000 bitcoin-eve të dërguara gabimisht.

Në një takim urgjent të shtunën, rregullatori financiar i Koresë së Jugut tha se do të hetonte incidentin. Çdo shenjë e aktivitetit të paligjshëm do të nxiste hetime zyrtare, tha Shërbimi Mbikëqyrës Financiar (FSS).

Bithumb tha se do të përmirësonte sistemet e verifikimit dhe do të prezantonte inteligjencën artificiale për të zbuluar transaksione anormale.

Në prill të vitit 2024, Citigroup, një bankë amerikane, gabimisht kreditoi 81 trilionë dollarë, në vend të 280 dollarëve, në llogarinë e një klienti.

Dy punonjës nuk arritën ta dallonin gabimin përpara se të përpunohej, por banka e anuloi transaksionin brenda disa orësh pasi një punonjës i tretë e vuri re gabimin.