Përplasje trup më trup, sporti i ri i rrezikshëm që po shqetëson mjekët në Australi

Një sport i ri dhe tejet i rrezikshëm po tërheq gjithnjë e më shumë vëmendje në Australi.

I quajtur Run Nation Championship, ky aktivitet përfshin duele kontakti, ku atletë me peshë të madhe shpesh mbi 120 kilogramë vrapojnë me shpejtësi drejt njëri-tjetrit dhe përplasen sup më sup me fuqi të plotë. Humbësi është ai që rrëzohet i pari. 

Edhe pse teknikisht “nuk ka grushte apo goditje”, mjekët paralajmërojnë se rreziku për tronditje të trurit dhe dëmtime serioze cerebrale është i krahasueshëm me aksidentet automobilistike.

Pavarësisht këtyre shqetësimeve shëndetësore, organizatorët kanë njoftuar plane për turne edhe në Shtetet e Bashkuara dhe po e promovojnë këtë disiplinë si një “sport të ri global”.