Sulme të armatosura në Nigeri, 51 persona të rrëmbyer dhe tre të vdekur

51 persona janë rrëmbyer dhe tre kanë vdekur në sulmet nga persona të armatosur në katër fshatra në shtetin Kaduna, në veri të Nigerisë.

Në fund të vitit 2025, autoritetet nigeriane u përballën me një valë rrëmbimesh masive, duke nxjerrë në pah situatën alarmante të sigurisë në vendin më të populluar të Afrikës. Presidenti i Nigerisë shpalli gjendje të jashtëzakonshme dhe nisi një fushatë rekrutimi për të forcuar forcat e sigurisë për t’u përballur me krizën.

Në muajt e fundit, Shtetet e Bashkuara e kanë kritikuar ashpër Nigerinë për dështimin e saj për të goditur krimin.

Nigeria Veriore në veçanti është goditur prej vitesh nga sulme vdekjeprurëse nga bandat që plaçkitin, rrëmbejnë banorët për shpërblim dhe djegin shtëpi. Situata është komplikuar nga lidhjet gjithnjë e më të ngushta të këtyre bandave me organizatat xhihadiste.