Shefi i INEOS: Mbretëria e Bashkuar është kolonizuar nga emigrantët, po kushton shumë para

11 Shkurt 2026 | 18:25

Themeluesi i grupit kimik INEOS dhe bashkëpronari i Manchester United, Jim Ratcliffe ka deklaruar se Britania është “kolonizuar” nga emigrantët, të cilët sipas tij po shterojnë burimet shtetit. Ratcliffe  paralajmëroi se Britania përballet me sfida të thella politike, sociale dhe ekonomike për shkak të emigracionit në rritje në vitet e fundit.

“Nuk mund të kesh një ekonomi me nëntë milionë njerëz që marrin ndihma sociale dhe me një numër të madh emigrantësh që vijnë. Dua të them, Mbretëria e Bashkuar është kolonizuar. Po kushton shumë para”, tha ai tha për Sky News.

Ratcliffe gjithashtu shtoi se kryeministri britanik mund të mos jetë njeriu i duhur për këtë post të lartë pasi sipas tij Starmer është një njeri i sjellshëm.

“Nuk e di nëse është vetëm aparati që nuk e ka lejuar Keir ta bëjë këtë, apo ndoshta është shumë i sjellshëm – dua të them, Keir është një njeri i sjellshëm. Më pëlqen, por është një punë e vështirë dhe mendoj se duhet të bësh disa gjëra të vështira me Mbretërinë e Bashkuar për ta rikthyer atë në rrugën e duhur, sepse për momentin nuk mendoj se ekonomia është në një gjendje të mirë”, shtoi ai.

Ai shtoi se së fundmi ishte takuar me Nigel Farage, udhëheqësin e Reformës dhe sipas tij ai ka qëllime të mira.

“Mendoj se Nigel është një njeri inteligjent dhe mendoj se ka qëllime të mira. Por në një farë mënyre, mund të thuash të njëjtën gjë edhe për Keir Starmer. Mendoj se duhet dikush që është i përgatitur të jetë jopopullor për një periudhë kohore për të zgjidhur çështjet e mëdha”, theksoi ndër të tjera ai.

Home Kryefaqja
Shiko në: YouTube
Lajme të Sugjeruara

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026