I dënuar me 4 vite burg për kultivim të narkotikëve, në pranga 28-vjeçari i shpallur në kërkim

Policia e Krujës këtë të premte ka vënë në pranga një 28-vjeçar, pasi ishte shpallur në kërkim për kultivim të bimëve narkotike.

Në kuadër të operacionit “Catch” u arrestua shtetasi S. X., 28 vjeç, i dënuar me 4 vite burg, pasi në vitin 2022 kishte kultivuar bimë narkotike.

“Si rezultat i kontrolleve të mbështetura tek informacione të siguruara në rrugë operative, shërbimet e Komisariatit të Policisë Krujë, në kuadër të operacionit të koduar “Catch”, lokalizuan, kapën dhe vunë në pranga shtetasin e shpallur në kërkim, S. X., 28 vjeç, banues në Tiranë.

Ky shtetas është dënuar nga Gjykata, me 4 vjet burgim, për veprën penale “Kultivimi i bimëve narkotike”.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftimin e policisë.