Drejtoria e Tatimeve: Si të aplikoni për kompensimin e tatimit të mbipaguar

Drejtoria e Tatimeve njofton se nga deklarimi i të ardhurave në sistemin tatimor, mund të përfitojnë kompensim edhe individët që nuk kanë fëmijë. Përfitues janë deklaruesit që rezultojnë me tatim të mbipaguar.

Pas plotësimit të deklarimit të të ardhurave (DIVA), çdo individ me tatim të mbipaguar ka të drejtë të ndjekë hapat e mëtejshëm për të marrë kompensimin përkatës. Aplikimi kryhet përmes llogarisë e-Filing.

Udhëzimet për aplikim:

1. Hyni në “e-Filing Im” dhe klikoni mbi rubrikën “Profili im”.
2. Në modulin “Detajet e Bankës”, plotësoni formularin me të dhënat e kërkuara.
3. Për të krijuar çështje si kërkesë për rimbursim, zgjidhni modulin “Çështjet e mia”.
4. Në modulin “Lloji i Çështjes”, zgjidhni opsionin “Pyetje të Përgjithshme” për të krijuar një çështje të re.
5. Pas krijimit të çështjes së re, do të shfaqet një format i bardhë ku duhet të plotësohet kërkesa për rimbursim të tatimit të mbipaguar.

Drejtoria e Tatimeve thekson se procesi është i thjeshtë dhe mund të përfitojnë të gjithë deklaruesit që kanë tatim të mbipaguar, pavarësisht nëse kanë ose jo fëmijë.