Protesta e PD më 20 shkurt, Berisha: Nuk largohemi nga sheshi pa e rrëzuar narkoshtetin

Kreu i Partisë Demokratike, Sali Berisha tha në një komunikim me ndjekësit në rrjetet sociale se protesta e 20 shkurtit do shënojë fundin e qeverisë.

Berisha u shpreh se në momentin që qytetarët do të vendosin, opozita do qëndrojë në shesh deri në rrëzimin përfundimtar të atij që quajti “narkoshteti”.

“Ne kryengritjen nuk e ndërpresim kurrë pa rrëzuar narkoshtetin. Dhe ideja juaj që mos largimi nga sheshi për rrëzimin e narkoshtetit, është absolutisht ideja më e drejtë. 

Në momentin më të parë që qytetarët të vendosin gjerësisht në këtë drejtim, ajo do të jetë dhe faza përfundimtare e fitores tonë”, tha Berisha.