Stacioni i përkohshëm i autobusëve në Vlorë, shoferët arrijnë një marrëveshje me policinë

Këtë të diele është arritur një marrëveshje mirëkuptimi mes drejtuesve të autobusëve, Policisë së Shtetit dhe Policisë Bashkiake për organizimin e stacionit të përkohshëm të autobusëve ndërqytetas dhe ndërkombëtarë, deri në krijimin e një terminali të mirëfilltë në Vlorë.

Të gjitha palët janë angazhuar për të shtuar masat dhe kujdesin, me qëllim parandalimin e rreziqeve që paraqet qarkullimi në këtë zonë. Gjithashtu, Ndërmarrja e Shërbimeve Publike do të pajisë hapësirën me stacione pritjeje, sinjalistikën e nevojshme rrugore dhe tualete të lëvizshme.