VIDEO/ Shpërthim në një dyqan fishekzjarresh në Kinë, tetë të vdekur dhe dy të plagosur

Një shpërthim në një dyqan fishekzjarresh në Kinën lindore vrau tetë persona dhe plagosi dy të tjerë, njoftuan autoritetet të dielën, në prag të Vitit të Ri Hënor në Kinë.

“Keqpërdorimi i fishekzjarrëve nga dikush ose disa persona shkaktoi një shpërthim në një dyqan në provincën Jiangsu rreth orës 14:30 sipas orës lokale”, shpjeguan autoritetet në një deklaratë të lëshuar nëpërmjet rrjeteve sociale.

Zjarri që shpërtheu për shkak të shpërthimit u shua plotësisht rreth orës 16:00 sipas njoftimit, i cili sqaroi se tetë persona humbën jetën dhe dy të tjerë u plagosën lehtë.

Një hetim është duke u zhvilluar për shkaqet dhe drejtuesit e kompanisë janë arrestuar.

Sipas Ministrisë së Situatave të Emergjencave, Kina po hyn në periudhën më intensive për fishekzjarret, festën e Vitit të Ri Hënor.

Ministria tha se u kishte dërguar një mesazh paralajmërues të gjithë prodhuesve të fishekzjarreve në vend, duke kërkuar një “inspektim të plotë” për të garantuar sigurinë.

Aksidentet industriale janë të shpeshta në vend, për shkak të zbatimit ndonjëherë tepër të dobët të rregullave të sigurisë.

Në vitin 2025, një shpërthim në një fabrikë fishekzjarresh në Hunan vrau nëntë persona dhe plagosi 26 të tjerë. Ndërkohë, në vitin 2023, fishekzjarret vranë tre persona në një shtëpi në Tianjin.