Shtëpia e Bardhë: Opsioni i parë i Trumpit për Iranin është diplomacia

Opsioni i parë i presidentit të SHBA-së Donald Trump me Teheranin është gjithmonë diplomacia, por ai është i gatshëm të përdorë forcë vdekjeprurëse nëse është e nevojshme. Kështu ka deklaruar këtë të marte zëdhënësja e Trump, Karoline Leavitt.

“Opsioni i parë i Presidentit Trump është gjithmonë diplomacia. Por, siç e ka treguar… ai është i gatshëm të përdorë forcën vdekjeprurëse të ushtrisë së Shteteve të Bashkuara nëse është e nevojshme”, u tha gazetarëve ajo në Shtëpinë e Bardhë.

“Presidenti është gjithmonë vendimmarrësi përfundimtar këtu”, shtoi ajo.

Sekretari i Shtetit i SHBA-së, Marco Rubio, ka planifikuar të informojë udhëheqësit e lartë të Kongresit, të njohur si Banda e Tetëve, në Shtëpinë e Bardhë më vonë të martën, sipas Departamentit të Shtetit të SHBA-së. Rubio pritet t’i informojë ligjvënësit mbi Iranin, tha një burim i njohur me çështjen për Reuters.

Shtetet e Bashkuara kanë vendosur një forcë të madhe detare pranë bregdetit iranian përpara sulmeve të mundshme ndaj Republikës Islamike. Trump më 19 shkurt tha se po i jepte Teheranit rreth 10 deri në 15 ditë për të arritur një marrëveshje .

Trump mund të flasë për kërcënimet e tij kundër Iranit për shkak të programit të tij bërthamor në fjalimin e tij për Gjendjen e Kombit të martën në mbrëmje.