SHBA vendos sanksione të reja ndaj flotës së fshehtë iraniane para bisedimeve në Gjenevë

Departamenti i Thesari të Shteteve të Bashkuara ka ndarë detaje mbi sanksionet e reja lidhur me Iranin, përpara se dy vendet të zhvillojnë bisedime në Gjenevë.

Një njoftim në faqen e internetit të departamentit tha se sanksione janë vendosur ndaj më shumë se 30 individëve, entiteteve dhe anijeve të lidhura me Iranin që bëjnë pjesë në “flotën e fshehtë” të vendit.

Ata u targetuan për ndihmën në shitjen e naftës iraniane në mënyrë të paligjshme dhe për prodhimin e raketave balistike dhe armëve konvencionale të avancuara nga Irani, tha thesari.

Ndërkohë, Sekretari i Thesarit, Scott Bessent, tha:

“Irani shfrytëzon sistemet financiare për të shitur naftë të paligjshme, për të larë të ardhurat, për të siguruar komponentë për programet e tij bërthamore dhe armët konvencionale, dhe për të mbështetur përfaqësuesit e tij terroristë. Nën udhëheqjen e fortë të Presidentit Trump, Thesari do të vazhdojë të ushtrojë presion maksimal mbi Iranin për të targetuar kapacitetet e armëve të regjimit dhe mbështetjen e tij për terrorizmin, gjë që ai ka vendosur përparësi mbi jetët e popullit iranian”, ka shkruar Bessent.

I dërguari i veçantë i Donald Trump, Steve Witkoff, dhe dhëndri i tij Jared Kushner do të takohen nesër me një delegacion iranian në qytetin zviceran për të diskutuar programin bërthamor të Teheranit.