Politikani “i sertë”, 30 vitet e Gramoz Ruçit në PS dhe largimi si fitimtar

Karriera politike e Gramoz Ruçit në Partinë Socialiste është mbyllur. Një ndër funksionarët më jetëgjatë në radhët e të majtëve, është tërhequr me deklaratën e mbajtur në Kongres, pas 30 viteve kontribut në parti.

Prej vitit 1991, Ruçi zuri pozitën e Hekuran Isait në ministrit të Punëve të Brendshme në qeverinë Nano, po atë vit kryetar i Komitetit të Sigurimit.

Një politikan i sertë, me tipare dhe qëndrim të ftohtë, nga opozita eshte akuzuar si individ me brumosje komuniste, ndërsa në parlament apo në takime politike, ka mbajtur qendrime të matura dhe konçize, duke anashkaluar fyerjet e ofendimet.

Gramoz Ruçi ishte 40 vjeç kur lindi Partia Socialiste, dhe në vitet 1991-1996 dhe 1999-2005 ka mbajtur postin e sekretarit të përgjithshëm në Parti.

Më tej u zgjodh Sekretar Organizativ dhe Kryetar i grupit kuvendor e në vitin 2010 Gramoz Ruçi u emërua në postin e Kryetarit të Grupit Parlamentar të PS-së dhe atë të Kryetarit të Asamblesë Kombëtare, ndërkohë që në legjislaturën 2017-2021 ishte kryetar i parlamentit.

Gramoz Ruçi lindi në fshatin Salari të Tepelenës, ndërsa natyrshëm ai do të mbahet mend si drejtuesi politik dhe deputet i Fierit, aty ku është zgjedhur në zgjedhjet e fundit parlamentare.

LEXONI GJITHASHTU: 

• Gramoz Ruçi jep dorëheqjen nga të gjitha funksionet e Partisë Socialiste