Milani pranë marrëveshjes për talentin brazilian André, por pengesa ligjore me Corinthians

AC Milan është shumë pranë finalizimit të transferimit të mesfushorit brazilian André nga Corinthians, në një marrëveshje që kap vlerën 15 milionë euro plus 2 milionë euro bonuse për 70% të kartonit të lojtarit.

Talenti i lindur në vitin 2004, i cili mbushi 19 vjeç në shkurt, ka rënë dakord të heqë dorë nga 30% e të drejtave të tij financiare për të përshpejtuar transferimin. Kontrata me kuqezinjtë parashikohet të jetë pesëvjeçare, deri në vitin 2031, ndërsa klubi brazilian do të përfitojë 20% nga një rishitje e mundshme në të ardhmen.

Megjithatë, marrëveshja mbetet pezull pasi presidenti i Corinthians, Osmar Stabile, nuk ka firmosur ende dokumentet përfundimtare, mes presionit të tifozëve që kërkojnë një ofertë më të lartë dhe qëndrimin e lojtarit deri në fund të sezonit 2026.

Sipas raportimeve nga ESPN dhe RedBlack Insights, situata mund të përfundojë në instancat ndërkombëtare nëse marrëveshja bllokohet. Milani ndihet i mbrojtur nga rregulloret e FIFA dhe mund t’i drejtohet Dhomës së Zgjidhjes së Mosmarrëveshjeve apo Gjykatës së Arbitrazhit Sportiv, duke kërkuar edhe kompensim për dëmet e mundshme.