Ministri i Jashtëm rus telefonon homologun iranian, çfarë kërkese i bëri Lavrov

Ministri i Jashtëm rus, Sergei Lavrov, ka kërkuar qetësim të situatës në Lindjen e Mesme gjatë një telefonate me homologun iranian, Abbas Araghchi, njoftoi Ministria e Jashtme e Rusisë.

Sipas njoftimit, Lavrov “konfirmoi një qëndrim themelor në favor të çtensionimit të situatës dhe refuzimit të përdorimit të forcës”.

Ai gjithashtu theksoi rëndësinë e “sigurimit të sigurisë së popullsisë civile dhe infrastrukturës civile në të gjitha vendet e rajonit”.