Lëvizje të dyshimta pranë bazës ajrore “Megara”, arrestohet për spiunazh 23-vjeçari irakian në Greqi

Një person ka alarmuar autoritetet greke këtë të enjte pasi u pa duke lëvizur në mënyrë të dyshimtë jashtë bazës ajrore të Megarës. I riu dyshohet se ka bërë foto dhe video të bazës ushtarake ku po ngrihej një avion ushtarak.

Denoncimi u bë nga një qytetar dhe i dyshuari u arrestua nga autoritetet greke.  23-vjeçari i identifikuar si irakian mësohet se është pilot në një shkollë private fluturimi.

Ai dyshohet se mund të jete spiun ndërsa kanë nisur hetimet. Ai është shoqëruar në stacionin e policisë së Megarës. Mediat greke raportojnë se autoritetet nuk kanë gjetur informacione dhe prova prandaj pritet që ai të lirohet.