Teherani fajëson Izraelin për sulmin me dronë në Azerbajxhan

Ministri i Jashtëm iranian, Abbas Araghchi, e ka akuzuar Izraelin për nisjen e një sulmi me dron ndaj Azerbajxhanit, duke e përshkruar atë si një përpjekje për të dëmtuar marrëdhëniet e Teheranit me fqinjin e tij.

Në një telefonatë me homologun e tij azerbajxhanas, Jeyhun Bayramov, Araghchi “mohoi se Irani ka nisur ndonjë raketë” kundër Azerbajxhanit. Ai gjithashtu dënoi “rolin e regjimit izraelit në sulme të tilla që synojnë shpërqendrimin e opinionit publik dhe shkatërrimin e marrëdhënieve të mira të Iranit me fqinjët e tij”, sipas një deklarate nga Ministria e Jashtme iraniane.

Katër persona u plagosën në një sulm me dron në mesditë në rajonin autonom Nakhichevan të Azerbajxhanit, pranë kufirit me Iranin.

Më herë, presidenti i Azerbajxhanit Ilhan Aliyev tha se forcat e armatosura të Azerbajxhanit “janë vënë në gatishmëri maksimale dhe janë të gatshme të kryejnë çdo operacion të kërkuar”.

“Ne nuk do ta tolerojmë këtë akt terrorist të paprovokuar dhe agresion kundër Azerbajxhanit”, shtoi Aliyev pas një takimi të këshillit të sigurisë kombëtare të vendit.