SHBA, Trump shkarkon Sekretaren e Sigurisë Kombëtare Christie Noem

Presidenti i SHBA-së, Donald Trump, tha se Sekretarja e Sigurisë Kombëtare, Kristi Noem, do të japë dorëheqjen në fund të marsit dhe se senatori republikan i Oklahomës, Mark Wayne Mullin, do të zërë vendin e saj.

“Jam shumë i kënaqur të njoftoj se senatori shumë i respektuar i Shteteve të Bashkuara nga shteti i madh i Oklahomës, Mark Wayne Mullin, do të marrë pozicionin e Sekretarit të Sigurisë Kombëtare (DHS) të Shteteve të Bashkuara, duke filluar nga 31 marsi 2026”, shkroi Trump në një postim në Truth Social.

“Sekretarja aktuale, Christie Noem, e cila ka shërbyer mirë dhe ka arritur shumë rezultate mbresëlënëse (sidomos në kufi!), do të kalojë në pozicionin e të Dërguarës Speciale për Mburoja e Amerikës, iniciativën tonë të re të sigurisë në Hemisferën Perëndimore, të cilën do ta shpallim të shtunën në Doral, Florida. E falënderoj Christie-n për shërbimin e saj”, vazhdoi presidenti amerikan.