Kuvendi rrëzoi kërkesën e SPAK për arrestimin e Ballukut, deputetët e PD bllokojnë foltoren

Me 82 vota kundër dhe 47 pro Kuvendi rrëzoi kërkesën e SPAK për arrestimin e Belinda Ballukut.

Deputetët e PD protestuam menjëherë kundër këtij vendimi duke u grumbulluar pranë foltores me pankarta kundër qeverisë.

Anëtari i Këshillit të Mandateve dhe njëkohësisht deputeti i PS-së Ulsi Manja i cili prezantoi në seancë raportin për imunitetin e Belinda Ballukut tha se masa personale nuk prodhon asnjë efekt real juridik.

“Raportin tonë e kemi bërë publik. Më lejoni që të shpreh qëndrimin tim lidhur me raportin e pakicës. Kam që nga viti 2013 në këtë Kuvend dhe kjo është kërkesa e shtatë për deputeten Belinda Balluku. Nuk ka në këtë sallë raport më të detajuar me faktet dhe provat të prokurorisë, e cila bie ndesh me rregullat e Kuvendit. Këtë raport nuk e kam dëgjuar nga deputetët e opozitës, as në vitin 2023 ku kishim kërkesën nga Prokuroria e Posaçme për një tjetër deputet”, tha Manja.

Nga ana e opozitës ishte deputeti Oerd Bylykbashi që lexoi raportin plenare raportin rekomandues të përfaqësuesve të opozitës të Këshillit të Mandateve lidhur me kërkesën e SPAK për imunitetin e deputetes Belinda Balluku.

Ai kërkoi që Kuvendi të votojë por heqjes së imunitetit dhe t’i hap rrugën drejtësisë për të vijuar hetimet. Bylykbashi tha se ruajtja e imunitetit të deputetes Belinda Balluku do të përbënte një goditje për integrimin e vendit dhe vetë reformën në drejtësi. Bylykbashi theksoi gjithashtu se vendimet e Kuvendit duhet të mbrojnë interesin publik, reputacionin e Parlamentit, të mos pengojnë drejtësinë dhe të respektojnë kompetencat e sistemit gjyqësor.  

Paralelisht me seancën opozita ka organizuar një protestë jashtë ambienteve të Parlamentit. 1500 efektivë policie janë angazhuar për mbarëvajtjen e protestës.