Transportohet nga Korça drejt Tiranës foshnja 2 muajshe, në gjendje kritike nga kequshqyerja

Është nisur drejt Tiranës për mjekim më të specializuar foshnja 2 muajsh nga Korça, e cila rrezikonte jetën pasi nëna nuk e ushqeu me gji.

Gjendja shëndetësore e foshnjës vijon të jetë kritike. Në pediatrinë e spitalit rajonal të Korçës foshnja 2-muajshe mbërriti në gjendje shumë të rëndë shëndetësore.

Foshnja ka lindur dy muaj më parë, prematurë (7 muajsh). Është trajtuar në spitalin e Korçës e më pas në Tiranë, nga ku raportohet se ka dalë në gjendje të mirë shëndetësore, por pas kthimit në shtëpi ka shfaqur probleme të rënda shëndetësore.

Sipas burime, dyshohet se ka qenë nëna ajo që nuk është kujdesur për foshnjën për ta ushqyer me gji dhe ky dyshohet të jetë shkaku kryesor i gjendjes së rënduar. Po ashtu, dyshohet se nëna ka probleme të shëndetit mendor.