Administrata Trump: Nuk parashikohen kufizime për eksportet e naftës

Administrata e presidentit Donald Trump nuk po shqyrton vendosjen e kufizimeve për eksportet e naftës dhe gazit, konfirmoi një zyrtar amerikan për AFP të enjten, në një kohë kur qeveria po përpiqet të përballojë rritjen e kostove të energjisë si pasojë e konfliktit në Lindjen e Mesme.

“Kufizimet e eksportit të naftës dhe gazit nuk janë duke u shqyrtuar”, deklaroi zyrtari i administratës Trump, duke hedhur poshtë spekulimet për masa të mundshme kufizuese.

Washington ka ndërmarrë hapa për të zbutur rritjen e çmimeve të energjisë në ditët e fundit, ndërsa kostot në rritje po reflektohen gjithnjë e më shumë te konsumatorët.