Gjirokastër, përkujtohet 118-vjetori i luftës së Mashkullorës dhe Çetës patriotike të Çerçiz Topullit

Në Gjirokastër është përkujtuar 118-vjetori i betejës së Mashkullorës. Në 18 mars të vitit 1908 në ketë fshat çeta patriotike e Çerçiz Topulli zhvilloi një prej beteja që do të linte gjurmë në historinë e vendit tonë në prag të Shpalljes së Pavarësisë. Në nderim të kësaj ngjarje në fshatin Mashkullorë është zhvilluar një aktivitet ku të pranishmit nderuan aktin atdhetar të Çerçiz Topullit dhe patriotëve të tjerë.

“Beteja e Mashkullorës e 18 marsit  të vitit 1908 është një ngjarje që është kthyer në festë tradicionale  dhe kjo çetë e krijuar në fillim të viteve 1906  është një çetë që dallon nga çetat e tjera  të Jugut  siç ka qenë çeta e Sali Butkës, Spiro Ballkamenit,  apo edhe çeta të tjera sepse ka disa aktivitete të saj”, thekson Zabit Ahmeti, banor i Mashkullorës.

“Për të kujtuar këtë luftë  heroike, të lavdishme  të kësaj çete që nderoi fshatin tonë , nderuan veten, nderuan kombin, kundër një ushtrie shumë të madhe osmane përballë 7 vetave  që ishin pjestarët e çetës,ne e kujtojmë dhe do ta kujtojmë përherë”, tha Myrteza Haska, banor i Mashkullorës gjithashtu.

Përgjatë këtyre 118 viteve Lufta e Mashkullorës dhe figura e patriotit Çerçiz Topulli kanë qenë në qendër të shumë studimeve historik dhe krijimeve  artistike.