PROFIL/ Kush është Drejtori i Ri i Policisë së Shtetit, Skënder Hita

Skënder Hita është zgjedhur drejtues i ri i Policisë së Shtetit, duke marrë përgjegjësinë për udhëheqjen e forcës kryesore të sigurisë në Shqipëri. Me një karrierë të gjatë në strukturat policore, Hita ka shërbyer në disa qarqe të vendit, duke fituar përvojë të gjerë në menaxhimin e policisë rajonale.

Më parë, ai ka punuar në qarqet Durrës, Dibër dhe Shkodër, ku ka marrë pjesë në organizimin dhe koordinimin e operacioneve policore.

Në vitin 2021, Hita kaloi procesin e vetingut në polici. Komisioni i Jashtëm i Vlerësimit konfirmoi pastërtinë e figurës së tij dhe nuk gjeti probleme as në komponentin e pasurisë, as në aftësitë profesionale.