“Pas lindjes kuptova se diçka nuk shkonte”, klinikat e fekondimit in vitro u dhanë familjeve spermat e gabuara

Dy gra në Angli përdorën vezët e tyre dhe zgjodhën me kujdes një dhurues sperme anonim për dy fëmijët e tyre. Ato e informuan klinikën që porositi spermën në emër të tyre se ishte e rëndësishme të përdornin të njëjtin dhurues për të dy foshnjat, në mënyrë që fëmijët e tyre të ishin të lidhur biologjikisht.

Megjithatë, lindja e James-it ngjalli dyshime të forta tek të dyja nënat, për shkak të karakteristikave të ndryshme në krahasim me motrën. 

“Menjëherë pas lindjes së James-it, e dija që diçka nuk shkonte”, tha Laura.

Ajo dhe partnerja e saj, Beth kryen fekondimin in vitro në një klinikë në Qipro. Pas gati një dekade shqetësimi, ato vendosën t’u bënin fëmijëve të tyre testin e ADN-së. Rezultatet treguan se fëmijët nuk ishin të lidhur me njëri-tjetrin ose me donatorin që kishin zgjedhur prindërit e tyre.

Edhe familjet e shtatë fëmijëve të tjerë që besojnë se gjatë trajtimit IVF janë përdorur dhurues të gabuar të spermës ose vezëve. Shumica e këtyre familjeve kanë kryer teste ADN-je, të cilat duket se konfirmojnë frikën e tyre. 

Qiproja Veriore është bërë një nga destinacionet më të njohura për britanikët që kërkojnë trajtim të fertilitetit jashtë vendit, thonë ekspertët. Klinikat premtojnë çmime të ulëta dhe shkallë të lartë suksesi.

Ata krenohen me një gamë të gjerë donatorësh anonimë të vezëve dhe spermës nga e gjithë bota, duke i bërë ata veçanërisht tërheqës për njerëzit me probleme të fertilitetit, ata nga komuniteti LGBT ose të rriturit beqarë që mund të mos jenë në gjendje të kenë akses në një zgjedhje të tillë në vendet e tyre.