Kushtetuesja shqyrton kërkesën e Metës për liri, më 27 prill nis gjyqi në themel në GJKKO

Gjykata Kushtetuese do të shqyrtojë sot kërkesën e Ilir Metës për të rrëzuar masën e sigurisë arrest me burg ndaj tij.

Seanca do të zhvillohet mbi bazë dokumentesh ndërsa kërkesa e Metës është e njëjtë; shpallja antikushtetuese e masës së sigurisë arrest me burg.

Ndërkohë, Gjykata e Posaçme ka caktuar datën 27 prill ora 11.00 për zhvillimin e seancës së parë në themel me dyer te hapura për ish presidentin Ilir Meta dhe 4 të pandehurit e tjerë.

Trupa gjykuese e përbërë nga Etleva Deda, Atalanta Zeqiraj dhe Besmir Stroka caktuan 27 prillin si datë në të cilën do të nisin procesin në themel pas kalimit te dosjes për gjykim.

Ilir Meta dhe Monika Kryemadhi kanë kërkuar gjykim të zakonshëm.