Sot Greqia hap kufijtë me Shqipërinë, njofton ministria e Jashtme shqiptare

Nga sot, Greqia hap kufijtë me Shqipërinë dhe sipas ministrisë së Jashtme shqiptare lejohen të kalojnë kufirin të gjitha kategoritë e udhëtarëve për qëllime familjare dhe turistike.

Udhëtarët do të duhet të kenë me vete:

• Formularin e Lokalizimit të Pasagjerëve (i detyrueshëm për të gjithë, nga të gjitha pikat kufitare, tokësore ose ajrore.
• Certifikatë vaksinimi, test PCR ose Rapid.
• Ose certifikatë e diagnozës pozitive (e vlefshme për 2 deri në 9 muaj)

Fëmijët mbi 12-vjeç do të kenë të njëjtat kritere si të rriturit. Pavarësisht kësaj, në pikat kufitare do të vijojnë të kryhen teste të rastësishme nga autoritetet përkatëse.

Ndërkohë deri në 28 qershor mbeten në fuqi kuotat e kalimit në pikat kufitare:

• 1500 persona në ditë në Kakavijë.
• 250 persona në ditë në Qafë-Botë.
• 400 persona në ditë në Kapshticë.

LEXONI GJITHASHTU:

Hoqi kufizimet për udhëtimet, ambasada gjermane publikon udhëzimet

Udhëtimet drejt BE-së, Tomini: Qytetarët duhet të marrin informacion nga shteti ku duan të shkojnë

Liri për të udhëtuar në BE, nga sot vendet anëtare duhet të heqin gradualisht kufizimet anti-covid