Surprizon Hungaria, ndal kampionët e botës

Hungaria bën surprizën e madhe në fazën e grupeve, duke marrë pikën e parë, ndaj kampionëve të botës, Francës.

Gjelat hasën vështirësi ndaj një kundërshtari të vendosur mirë dhe të rrezikshëm në kundërzbritjet e tyre. Francezët e patën të vështirë që të gjenin hapësira në pjesën e parë megjithatë i patën mundësitë e tyre me Mbappe, Grizman e Benzema të cilët ishin një rrezik konstant.

Në minutat shtesë, skuadra hungareze arriti që të shfrytëzonte një zbritje të shpejtë, që u finalizua nga Attila Fiola, i cili ngriti peshë të gjithë tifozët që ndodheshin në stadiumin “Puskas Arena” në Budapest.

Në pjesën e dytë skuadra e Dechampes e rriti presionin, por nuk e pati aspak të lehtë që të gjente golin. Rezistenca e Hungarisë zgjati deri në minutën e 66-të, me Grizzman që shënoi golin e barazimit.

Në vijim Hungaria u mbrojt mjaft mirë dhe nuk doli duarbosh nga kjo sfidë e tani ëndërron për një mundësi për të kaluar më tej. Franca në anën tjetër ndalet pas fitores me Gjermaninë.

LEXONI GJITHASHTU: 

• Ronaldo thyen rekordin e të gjitha kohërave në Europian
• Euro 2020, Italia kërkon suksesin e radhës ndaj Zvicrës
• Eriksen lë spitalin, mjekët i vendosin defribrilator pranë zemrës