Hoxha takim me ministrin e Jashtëm të Moldavisë, zbulon detaje nga bisedimet

Ministri për Evropën dhe Punët e Jashtme, Ferit Hoxha përmes një postimi në “X” ka njoftuar se ka zhvilluar një takim me zv.kryeministrin dhe homologun e tij të Moldavisë, Mihai Popsoi gjatë Forumit Ekonomik të Delfit në Greqi.

Hoxha shkruan se gjatë takimit ndanë vlerësimet e tyre lidhur me angazhimin në në procesin e anëtarësimit në Bashkimin Europian.

“Ishte kënaqësi e veçantë të takohesha, në kuadër të Forumit Ekonomik te Delfit, me Zëvendëskryeministrin dhe Ministrin për Punët e Jashtme të Republikës së Moldavisë, z. Mihai Popșoi

Ky takim ishte një mundësi e vyer për të shkëmbyer pikëpamje dhe për të ndarë vlerësime mbi angazhimin tonë aktiv dhe dinamik në procesin e anëtarësimit në Bashkimin Europian. Shqipëria mbetet plotësisht e angazhuar për të ndarë përvojën e saj dhe për të vijuar ta bëjë këtë sa herë që është e dobishme, në frymën e miqësisë dhe partneritetit të ngushtë mes vendeve tona, si vende partnere sot dhe anëtare të ardhshme të Bashkimit Europian.

Ne e konsiderojmë #gjerimin si një investim strategjik për sigurinë e Europës dhe për ndërtimin e një kontinenti më të bashkuar, më të qëndrueshëm dhe më rezistent ndaj sfidave të së ardhmes”, shkruan Hoxha.