Sot afati për zgjedhjen e Presidentit të Kosovës, LDK ofron Vjosa Osmanin! Flet Albin Kurti

Kryeministri i Kosovës, Albin Kurti, ka deklaruar se procesi i zgjedhjes së presidentit do të kërkojë angazhim maksimal dhe përpjekje të vazhdueshme nga ana e tyre.

Ai theksoi se mbetet për t’u parë nëse opozita do të marrë pjesë në votim, duke mos u ndalur në çështjen e mbështetjes për propozimin e LDK-së për Vjosa Osmanin.

“Ne i bëjmë përpjekjet maksimale, tani ta shohim a do të vijnë deputetët e opozitës që e kanë obligim kushtetues të përfaqësojnë popullin, të marrin pjesë në votim”, u shpreh shkurt Kurti.

Ndërkohë, LDK ka vendosur të mos jetë pjesë e seancës. Megjithatë, sipas REL, kryetari i kësaj partie Lumir Abdixhiku është parë duke hyrë në ndërtesën e Kuvendit.