Hegseth diskuton me demokratët në Kongres për luftën me Iranin dhe buxhetin ushtarak

Ligjvënës demokratë në Shtetet e Bashkuara të Amerikës u përballën me Sekretarin e Mbrojtjes, Pete Hegseth, lidhur me koston dhe ligjshmërinë e përfshirjes në konfliktin me Iran, i cili sipas tyre është zhvilluar pa miratimin e Kongresit.

Gjatë një seance dëgjimore në Komiteti i Shërbimeve të Armatosura i Dhomës së Përfaqësuesve, përfaqësuesi Adam Smith kritikoi ashpër strategjinë ushtarake, duke paralajmëruar se përdorimi i tepruar i forcës dhe kërcënimeve mund të rezultojë i rrezikshëm në plan afatgjatë.

Seanca u zhvillua në kuadër të diskutimeve për propozimin e administratës për buxhetin ushtarak të vitit 2027, i cili parashikon rritjen e shpenzimeve të mbrojtjes në një nivel rekord prej 1.5 trilion dollarësh.

Nga ana e tij, Hegseth kundërshtoi kritikat, duke deklaruar se skepticizmi i disa demokratëve dhe republikanëve përbën një nga sfidat kryesore për operacionet ushtarake amerikane. Ai i cilësoi deklaratat e tyre si të pamatura dhe dobësuese për pozicionin e vendit në arenën ndërkombëtare.