Protestat në Bolivi, presidenti Paz shfuqizon një ligj për të lehtësuar shpalljen e gjendjes së jashtëzakonshme

Presidenti i Bolivisë, Rodrigo Paz shfuqizoi një ligj me qëllim që t’ia lehtësonte qeverisë shpalljen e gjendjes së jashtëzakonshme. Ligji i shfuqizuar vendos kufizime dhe rregulla se kur dhe si mund të përdoret një gjendje e jashtëzakonshme.

Vendimi u mor ndërsa protestat përshkallëzoheshin në të gjithë vendin. Pas këtij shfuqizimi, për të shpallur gjendje të jashtëzakonshme, Paz do të duhej të paraqiste një kërkesë në Kongres, i cili duhet ta miratojë ose ta refuzojë propozimin brenda 72 orëve.

Ligjvënësit nga partia në pushtet dhe sektorët e opozitës mbështetën të martën vendimin për të shfuqizuar ligjin që kishte vendosur kufizime dhe kushte për përdorimin e urdhrave të emergjencës nga ekzekutivi.

Bolivia është përballur për afërsisht katër javë me bllokada rrugore dhe demonstrata të nxitura nga mbështetësit e ish-presidentit të majtë Evo Morales dhe udhëheqësit e sindikatave që kërkojnë dorëheqjen e Paz. Trazirat kanë shkaktuar mungesa të ushqimit, karburantit dhe ilaçeve në La Paz dhe El Alto.