Planifikoi atentatin ndaj Ines Hajrullas, GJKKO dënon 11 vite burg Erio Zejnon

GJKKO ka dënuar me 11 vite burg Erio Zejnon për përfshirjen e tij në atentatin e planifikuar ndaj Ines Hajrulla dhe Ervis Matodashaj. Për shkak të përfitimit nga gjykimi i shkurtuar, dënimi i tij është ulur në 7 vite e 4 muaj burg.

Sipas hetimeve të Struktura e Posaçme Kundër Korrupsionit dhe Krimit të Organizuar, porositësi i atentatit ishte Leonard Luzi, i cili kishte organizuar një grup kriminal me qëllim eliminimin e Hajrullës dhe Matodashajt.

Në këtë skemë, Erio Zejno dyshohet se ka pasur rolin e ndihmësit. Sipas dosjes hetimore, ai në bashkëpunim me Muharem Koroveshi kanë siguruar dhe dërguar armë zjarri në banesën e Amarildo Nikolli në Vlorë.

Më tej, Zejno dhe Koroveshi kanë ndihmuar Amarildo Nikollin në terren për lokalizimin e lëvizjeve të Ines Hajrullës dhe Ervis Matodashajt, me qëllim realizimin e atentatit, thuhet në hetimet e SPAK.

Vendimi i GJKKO-së vjen në kuadër të procedimeve ndaj grupit të akuzuar për organizimin dhe mbështetjen logjistike të atentatit.