Trump ndan videon e krijuar me inteligjencë artificiale, në këngë përmendet 45 herë mbiemri “Trump”

6 Qershor 2026 | 19:22

Donald Trump ka postuar në rrjetin e tij social “Truth Social” një video të gjeneruar nga inteligjenca artificiale, në të cilën ai shfaqet duke “kënduar” një këngë për veten e tij, ku theksohet se ai është i dashur kudo që shkon.

Sipas raportimeve të HuffPost, kënga i atribuohet Anthony Constantino, një kandidat republikan për Kongresin në New York, i cili mbështetet nga Trump. Teksti i saj ndjek historinë e një personi që udhëton nëpër botë dhe “zbulon” se të gjithë e duan Donald Trump. Ajo që bie në sy është përsëritja e emrit në këngë, ku mbiemri “Trump” përmendet 45 herë dhe “Donald” 29 herë.

Autori i këngës ka shkruar në rrjetet sociale: “Jam krenar që kam mbështetjen e Presidentit Trump, për të cilin e shkrova këtë këngë”.

Videoklipi shoqërues përmban imazhe të gjeneruara nga inteligjenca artificiale, ku Trump shfaqet në skena të ndryshme, përfshirë duke bërë parashutizëm, duke ngrënë taco me presidenten meksikane Claudia Sheinbaum, duke qëndruar në Hënë me kostum hapësinor, duke hipur në deve, motor dhe luan, si dhe në situata të tjera të krijuara në mënyrë digjitale.

Në video shfaqen gjithashtu imazhe simbolike, ku fytyra e Trump shfaqet në Dritat Veriore, në një picë me pepperoni dhe në një autobus ikonik britanik me dy kate.

Sipas përshkrimit, video përfshin edhe një skenë imagjinare të së ardhmes, ku Trump prezanton një event UFC para Shtëpisë së Bardhë, i planifikuar për 14 qershor, në kuadër të 250-vjetorit të themelimit të Shteteve të Bashkuara.

Home Kryefaqja
Shiko në: YouTube
Lajme të Sugjeruara

Sekretari amerikan i Mbrojtjes në Francë me bashkëshorten dhe 6 fëmijët e tij, ngrihen shqetësime për kostot e sigurisë

Sekretari amerikan i Mbrojtjes, Pete Hegseth, ka udhëtuar në Francë së bashku me bashkëshorten dhe gjashtë fëmijët e tij, në kuadër të ceremonive për 82-vjetorin...
19:28 | 06/06/2026

Sekretari amerikan i Mbrojtjes: Evropa duhet të përqëndrohet në mbrojtje

Sekretari amerikan i Mbrojtjes, Pete Hegseth, deklaroi se Evropa duhet të marrë një rol më të madh në garantimin e sigurisë së saj konvencionale, gjatë...
18:10 | 06/06/2026

Irani dënon sulmet amerikane ndaj objekteve bregdetare

Ministria e Jashtme e Iranit dënoi të shtunën sulmet amerikane ndaj radarëve dhe objekteve të mbikëqyrjes bregdetare në rajonin e Sirik dhe në Ishulli Qeshm,...
17:56 | 06/06/2026