Alibeaj: Regjimi Rama-Doshi nuk mban përgjegjësi për gjunjëzimin para krimit

Deputeti i zgjedhur i Partisë Demokratike, Enkelejd Alibeaj doli në një deklaratë për mediat për të reaguar pas konferencës së ministrit të Brendshëm, Bledi Çuçi në lidhje me ngjarjet kriminale të ditëve të fundit.

Sipas Alibeajt, deklarata e Çuçit ishte një tentativë për alibi dhe tregues që qeveria nuk mban përgjegjësi për gjunjëzimin e shtetit para krimit.

“Dëgjuam pak më parë zëdhënësin e regjimit Rama-Doshi teksa lante duart me kapitullimin e rendit dhe sigurisë në vend. Fjalë dhe vetëm fjalë nga ata që kanë rrëmbyer të gjithë pushtetet dhe nuk mbajnë përgjegjësi për asgjë”, u shpreh z. Alibeaj.

“Për zëdhënësen e regjimit në Ministrinë e Brendshme, fajin e kanë shqiptarët, viktimat, familjet shqiptare që jetojnë në ankthin e breshërisë së radhës apo përgjakjes së radhës, por kurrsesi ata të cilët të vetmen strategji kanë ‘hëngshin kokat e njëri-tjetrit’ “, deklaroi më tej deputeti i zgjedhur.

Ai shtoi se faturën e bashkëpunimit të pështirë mes politikës dhe krimit po e paguajnë familjet shqiptare.

LEXONI GJITHASHTU:

• Ministri Çuçi paralajmëron ndryshime rrënjësore në polici: Disa gjyqtarë po nxjerrin kriminelë nga burgu
• Dëshmitari i ngjarjes së Velipojës tregon detajet nga momenti para përplasjes ku humbën jetën 4 persona
• “Mos i ndodhtë askujt”, babai i vëllezërve të vrarë në Velipojë tregon se sherri nisi për shezlongët