SHBA bllokon cisternën me flamur të Guniea-Bissau: Po transportonte naftë iraniane

Ushtria amerikane të mërkurën bllokoi një anije që po përpiqej të transportonte naftë iraniane duke qëlluar dy raketa në dhomën e motorit të saj. Komanda Qendrore e SHBA-së, CENTCOM tha se anija M/T Jalveer me flamur të Guniea-Bissau po përpiqej të transportonte naftë nga Irani përmes Gjirit të Omanit në shkelje të bllokadës së SHBA-së.

“Një avion amerikan qëlloi dy raketa Hellfire në dhomën e motorrit të anijes pasi ekuipazhi dështoi vazhdimisht të zbatonte udhëzimet nga forcat amerikane”, shtoi CENTCOM në një postim në X.

Ky incident shënon herën e tretë që SHBA-të kanë çaktivizuar një anije këtë javë, sipas postimit. Në total, SHBA-të kanë çaktivizuar nëntë anije dhe kanë ridrejtuar drejtimin e 135 të tjerave.